هام للمقبلين على اجتياز مباراة التفتيش

  هام للمقبلين على اجتياز مباراة التفتيش 

تحية تربوية للجميع✋💞
اليوم غنحاولوا نتكلموا على مباراة التفتيش 🕵‍♀ و أي واحد كيسول على ملف المباراة 📂 او شكل المباراة 📝، فهذ المنشور غيلقى الاجابة 👍 حيث  غنحاولوا نلخصوا كلشي و ذلك من خلال تجربتنا  المتواضعة 😌و احتكاكنا بزملائنا التربويين👩‍🏫👨‍🏫🕵‍♀👥 و غنخلي لكم لتحت 👇 جميع الوثائق 📑📒 و نماذج المباراة مع التصحيح ...

مروان حداجي

بسم الله نبداو 😎
✅  فوقاش 🤔 غتكون هذا المباراة📆 ؟؟
✔  المباراة ستنظم بتاريخ  15 و 16 يوليوز 2018
✅ 🤔 شكون لي من حقو يدفع لهذا المباراة ؟؟؟
 ✔ كتفتح  هذا المباراة في جميع الأساتذة الابتدائي أو الثانوي 👩‍🏫👨‍🏫 الدرجة الثانية أو الأولى المتوفرين على 10 سنوات من الخدمة الفعلية في مهنة التدريس📚📓 منها 4 سنوات من الخدمة في هذه الصفة (و بالنسبة للثانوي 7 سنوات من الخدمة )
✅  🤔شنو هما الوثائق 📑📃المطلوب فهذ الملف ؟؟؟
✔ ملف الترشيح كيتكون من مجموعة الوثائق 📑📓و هي كالتالي:
☑ طلب الترشيح📝 تعمرو من مسطحة🌐💻 موقع الوزارة و من بعد تطبعوا 📠و هذا جديد بالنسبة لهذه السنة ، و أظن أن عملية الانتقاء غتكون هذا العام عكس الأعوام الماضية لي كان لي يدفع كيدوز ، يعنى هذ العام  ماشي كلشي غيدوز (مجرد رأي  و الله أعلم)
🔴 ملحوظة🔎 : بالنسبة للمسطحة رابط التسجيل اسفله 👇
تدخلها بعنوان taalim.ma  و رقم السري مسار

☑ رسالة تحفيزية 📝كتقول فيها الدوافع لي خلاتك تدفع لهذا المباراة و كذا عناصر البحث التربوي🔬🔎 لي غترغب دريو فالمركز🏫 ، و هنا عندي ملاحظة مهمة ⚠ :هي اختار شي موضوع عارفو  ومتمكن منو حيث غيسولوك فيه نهار الشفوي📣الى نجحتي فالكتابي.و غتلقا لتحت👇 رابط بنموذج هذ الرسالة التخفيزية ✉📝
☑ نبذة عن المسار المهني👩‍🏫 و العلمي🔬🔭 ديالك يعني السيرة الذاتية 📖و هنا نصحك أنك تحط ف cv لي عندك متحاولش🚫 تقلب على أي حاجة تديرها فيه  حيث أكيد غيسولوك فيها أيضا بالعربية ولا الفرنسية نهار الشفوي و غتحصل و لكثير من الناس خسروا حيث عامر خاوي😁😁
⚠ و متنساش البحث ديالك الى عندك الأجازة حاول تفكروا😉
و راني خلت لك لتخت 👇 رابط ديال واحد نموذج سيرة الذاتية

☑  3 نسخ من تقارير التفتيش 🕵‍♀ إما زيارة او تفتيش ولي عندو قل من 3 يدفعهم و لي معندوش يدفع أيضا ، و لكن لي عندو يحاول يذكر 💡 دوك الدروس📚  ديال زيارات التفتيش حيث من المحتمل يسولوكم فيهم أيضا نهار الشفوي على المنهجية ذلك الدرس ألخ ...
☑ نسخة من قرار التسمية في الإطار تجيبها من المديرية
☑ نسخ طبق الأصل للشواهد الجامعية و بطاقة  التعريف الوطنية
☑ ظرفان بريديان ✉ يحملان طابع و عنوانك البريدي📬 (واخا انا مازال معرفتش لمن صالحين هذ الظرفان😂)
✅ 🤔 فين يمكن لي ندفع الملف 🗂📂؟؟؟
✔ إما تدفعو بيدك للمديرية 🏫مصلحة الامتحانات📚
✔ أو تدفعو عن طريق التسلسل الإداري👥👥
✅ جينا للأهم 👍 ⚠ 🤔شنو هما المواد📕📒 لي يحطوهم فالامتحان ؟؟
☑ كاين مادة مجال المعارف📚🗞المرتبطة بالتعليم الابتدئي 👩‍🏫👨‍🏫 معامل ديالها 3 : فهذ المادة المطلوب منك تكون  متمكن من المضامين المعرفية الخاصة بالمواد المقررة في التعليم الابتدائي و هي قطبي اللغات (العربية ة الفرنسية) و قطب العلوم (النشاط العلمي و الرياضيات )🔭🔎
و في هذا المادة كيحاولوا يعطيو في تلك المواد لي ذكرنا و يقد يزيدوا يمتدو شوي ليصل على معارف في الإعدادي مثلا الفرنسية يقدرو يعطيو شي سؤال عندو اتباط بالاعدادي يعني امتداد المواد إلى السلك الاعدادي ،
☑ مادة مجال بيداغوجيا التخصص معامل ديالها 2 : فهذ المادة المطلوب منك تكون  متمكن من منهجية التدريس للمواد المقررة في التعليم الابتدائي لي قلنها لفوق ☝و كذا البيداغوجيات و المستجدات الديداكتيكة ... و فهذ المادة حاول تربط الأجوبة بالممارسة المهنية ديالك
☑ مادة مجال قضايا التربية و التكوين معامل ديالها 1 :  فهذ المادة المطلوب منك تكون  متمكن من مستجدات التربوية و الحالات و الظواهر التربوية بمختلف أبعادها النفسية و الاجتماعية و كذا تكون متمكن من القضايا التنظيمية لمنظومة التربية و التكوين ، بمعنى آخر خاصك تكون شيخ غوغل🔎 في المستجدات ، أنا صراحة مكنركزش عليها حيث نكتب نكتب 😉😁
...... و راني منسيتكمش خلت لكم واحد الرابط لتحت 👇 فيه مجموعة ديال نماذج امتحانات التفتيش مع التصحيح 👍
✅🤔 شنو هما النصائح لي يمكنا ناخذو بها ؟؟
✔  أول حاجة لي يمكن ننصحكم بها هي ركزو على المادتين الأولى و الثانية و خاصة ديداكتيك المادة و سيرتو الفرنسية لأنها هي لي غدير الفارق 📚
✔ متكثروش من الكتابة فالمواضيع ، خير الكلام ما قل و دل ، وهشي غير باش متخرجوش على الموضوع ..
✔ متحاولوش تعطيو أجوية ديال ناس أخرين من البداغوجيين عطيو أجوبة خاصة بكم و تكون مركزة و واضحة
✔ ركزوا على سلامة اللغتين و  مديروش أخطاء خاصة فاللغة الفرنسية..
✔ حاولو تجاوبو على حساب السؤال و متنساوش تجربتكم فالميدان و خاصة فالقسم بمعنى ربطو داكشي بالممارسة المهنية ديالكم ...
اوا بالتوفيق للجميع 👐💞

⏪  المهم نتمنى نكونو عطينا واحد لمحة صغيرة على هذ المباراة ،
⏪ و كي لعادة متنساش تبارطاجي باش تعم الفائدة .... و طاغي صاحبك لي باغيلو لخير 😊
⏪  و متنساش تظخل لصفحتنا و ديرلها جيم 👍 الى كنت مزال ممشاركش معنا و ذلك فضلا لا أمرا 😊😊

------------------------- نموذج رسالة تحفيزية  -----------------------------

http://www.mediafire.com/file/6idcgyb6a7ub3jc/نمودج+رسالة+تحفيزية+.doc

------------------------- نموذج السيرة الذاتية  -----------------------------

http://www.mediafire.com/file/eq9czbn5rvtb3lz/model_cv.doc/file

-------------- نماذج امتحانات مباراة التفتيش مع التصحيح --------------

http://www.mediafire.com/file/13ddaw9g2cfzw5w/inspection.rar

---------------------- رابط التسجيل في المبارا-ة -------------------------

http://cfie.men.gov.ma/cfie/
----------------------- تحياتي لكم و بالتوفيق  ----------------------------