نصائح من متعاقدة نجحت في مباراة التعاقد

نصائح من متعاقدة نجحت في مباراة التعاقد

من خلال التجربة ديالي المتواضعة العام اللي فات بالنسبة للتعليم الابتدائي:

المواد اللي تراجعو بالنسبة الفرنسية والعربية راه القواعد ديالهم معروفين اي دروس الفرنسية(conjugaison, grammaire ,orthographe.....)والعربية ( التراكيب، الصرف والتحويل..الاعراب.... ) بالنسبة للرياضيات والعلوم والفيزياء هادو غالبا كيكونو ديال الاعدادي وكاين فيهم دروس اللي كتقرا حتى فالابتدائي بحال الدارة الكهربائية بالنسبة للمستوى السادس الخ...

اجي نشوفو ديداكتيك المادة اللي كتعتابر مهم كيكون فيه سلم التنقيط كيمثل 50% من النقطة الاجمالية ديال الامتحان واللي بزااف ماكعملوهش اشنو هو ديداكتيك المادة؟ مثلا كيعطيوك شي وضعية ولا شي مسألة ولا شي نص تصاوبو مع الاسئلة ديالو مثلا يقولكم كتبو شي نص يكون فيه الفاعل والمفعول به ( هذا غير مثال) وكيقولك عملو الجذاذة ديالو، اشنو هي الجذاذة؟ الجذاذة هي تخطيط الدرس يعني داك الدرس اللي غادي تقريه ن التلاميذ كتعملو تخطيط مع احترام المراحل (ماكايناش جذاذة موحدة يعني الجذاذة كتختلف من استاذ ن استاذ اهم حاجة تكون كتحتارم المراحل وكل مادة والجذاذة ديالها راه موجودين دبا قلبو ف عمو Google راه غادي تجبرو بزااف د نماذج وتقدرو تصاوبوها بأسلوبكم) كاينة واحد الحاجة " الوسائل الديداكتيكية" شنو هي؟ هي الوسائل اللي كنستعملو فالعملية التعليمية التعلمية بحال السبورة، كتاب التلميذ، الادوات الهندسية بالنسبة للرياضيات مهم بخلاصة كل مادة كتمتاز بوسائل الديداكتيكية مثلا ادا قدمتي درس ديال الدارة الكهربائية غادي تحتاج ن المصباح والاسلاك الكهربائية حتى هادو كيتعتابرو وسائل ديداكتيكية....

دابا وصلنا ن علوم التربية هي فيها بزاااف ديال التعاريف والمصطلحات متعلقة ب علوم التربية بحال انواع البيداغوجيا، نظريات التعلم، الميثاق الوطني، المخطط الاستعجالي... مهم راه كاين بزااف حتى هادو راه موجودين فالانترنيت مهم غير حاولو تاخدو عليهم فكرة... . وهادا ماكان كنتمنى نكون عاونتكم وسمحولي ادا نسيت شي حاجة والله يسهل على الجميع..

بالتوفيق للجميع

لا تنسونا بصالح الدعاء

 النماذج السابقة و العديد من النصائح