ولوج كليات الطب وطب الأسنان السنة الجامعية 2020/2021

ولوج كليات الطب وطب الأسنان السنة الجامعية 2020/2021

التمريض كايتقرا فالمعهد العالي لمهن التمريض و تقنيات الصحة ISPITS.

الولوج كايكون بباك بميزة حسن فيما فوق + اختبار كتابي + شفوي.

التخرج كايكون بعد ثلات سنوات بإجازة، مع إمكانية الولوج للماستر و الدكتوراه أما فالمعهد العالي لمهن التمريض و الصحة، أو في كليات العلوم، أو الطب أو ENCG.

الصالير كايبدا ب 6400 درهم في الوزارة، 6600 درهم في المستشفيات الجامعية، و 9000 درهم في المكتب الشريف للفوسفاط.

الترقي كايكون كل 6 سنوات بنسبة 13٪ عن طريق المباراة أو بالأقدمية 10 سنوات فيما فوق.

بالنسبة للقراية، خلافا لما يظن أغلب الشعب، فماشي هي كيفاش تبدل الفاصمة و ليبرا، حيت هادشي كايتقرا ف module واحد فيه يمكن 30 ساعة.

السنة الأولى كتقرى فيها الصحة العامة و النظام الصحي، إضافة لل anatomie et physiologie يعني علم وظائف الاعضاء و pharmacologie علم الادوية، اضافة الى البسيكولوجيا و السوسيولوجيا، و العلاجات الاولية.

السنة الثانية كاتقرا فيها les pathologies médicales et chirurgicale ، يعني كاتقرا على الامراض لي كاقيس مختلف الاعضاء، اضافة الى علم التوليد، و الامراض المنقولة جنسيا، و أهم حاجة les programmes sanitaires, و هاد programmes sanitaires هو لي خلاو عدة أوبئة تختفي من المغرب بفضل مجهودات الممرضين، لي كايشكلو خلية يقضة و متبعين الوراق و كايديرو المؤشرات ديالهم.. و يبلغو الى شكو فشي مرض اضافة الى التلقيح و عدة اشياء أخرى.

اضافة الى هاذشي كايقراو العلاجات التمريضية المختصة حسب نوعية المرض.

السنة الثالتة كاتكمل فيها هادشي ديال السنة الثانية اضافة الى بحث التخرج و عدة وحدات أخرى وهي القانون ومدخل الى القانون الصحي ، و الاقتصاد والتسيير ، و الاقتصاد الصحي ، و السوكوريزم وما ادراك ما secourisme ، ناهيك عن مجموعة شاسعة من المواد التي يتم تدريسها حسب كل اختصاص ، ومجموعة من المواد ك hygiene du milieu و مجموعة من المواد العلمية البحتة.

من بعد التخرج كادوز تما مباراة وزارة الصحة أو المستشفيات الجامعية.

التحديات

التحديات عديدة، أخطرها هي انك ماكاينش مصنف المهن و الكفاءات REC لي كايقنن داكشي لي كايديرو الممرض، يحيث كاتلقا الممرض كايخيط، كايغسل المعدة و المثانة، كايدير أنبوب التغذية من النيف الى المعدة، او التييو ديال البول و عدة مهام أخرى لي هي مهام طبية فالاصل، لكن كاتلقا الممرضين كايديروها بسبب نقص في الاطر الطبية.

التحدي الثاني كاين فالخدمة فالمناطق القروية لي جد خطرة، بحيث كاتلقا الممرض كايوصف أدوية (عمل غير قانوني) نظرا الى غياب الطبيب، و هنا كاين مشكل الى طرات شي حاجة يمشي للحبس حيت ماشي خدمتو هاديك، و اذا رفض و طرات شي حاجة يمشي للحبس تاني بحجة عدم تقديم المساعدة لشخص في خطر، المهم فيك فيك.

التحدي الثالت هو قلة الموراد البشرية كاتلقا واحد كايدر خدمة 4 دالناس، مما يؤدي الى الارهاق و تأزيم النفسية، حاليا الخصاص هو 60000 ممرض حسب وزارة الصحة، و الوزير كال بهاد ريتم باش غاديين خاصنا 25 عام باش نحيدو الخصاص، هادشي كايعني أن هاد الناس دايرين كتر من لي عليهم.

التحدي الرابع هو انتحال الصفة من طرف يعض خريجي المدارس الخاصة الغير المعتمدة و الهلال الاحمر، بحيث شي مرات تاتكون سلوكات خايبة منهم و تاتسمى فالممرض لانهم انتحلو الصفة و هادشي لاش الممرضين كايطالبو بهيئة لي تنظم هادشي.

الممرض كايبقا العمود الفقري ديال وزارة الصحة، حيت هو لي كايبقا مع المريض النهار كامل و أقرب واحد ليه و مراقبو، اضافة الى أنه يقدم 80٪ من الخدمات حسب الصحة العالمية.

الممرض هو هاداك لي كاتلقاه فين مامشيتي، من اصغر مستوصف الى أكبر مستشفى، هو لي كايقدم العلاجات، التلقيح، مراقبة الاوبئة، تتبع الحمل، تنظيم الاسرة.

و الميدان في تطور مستمر دابا عدة ممرضين عندهم ماستر و دكتوراه، منهم لي ولاو اساتذة جامعيين و منهم الان مدراء مستشفيات....